Жирэмслэхээр оролдож байгаа үед зөвхөн эмэгтэй хүн биш, эрэгтэй хүний хооллолт ч бас чухал байдаг. Зарим амин дэм, шим тэжээлүүд нь эрүүл өндгөн эс үүсэхэд хэрэгтэйтэй адил эрүүл эр бэлгийн эс (сперм) бий болоход чухал үүрэгтэй.

Жишээлбэл:

• Цайр (zinc)
• С болон Е аминдэмүүд
• Омега-3 тосны хүчлүүд
• Фолийн хүчил

Эдгээрийг хангалттай авах нь үр тогтоох чадварыг дэмждэг. Мөн судалгаагаар үргүйдлийн 40–50 хувь орчим нь эрэгтэй хүчин зүйлтэй холбоотой байдаг тул эрэгтэй хүн хооллолт, амьдралын хэв маягтаа анхаарах нь маш чухал.  Үнэндээ сүүлийн 40 орчим жилийн хугацаанд эр бэлгийн эсийн тоо болон чанар буурсан байж болзошгүйг зарим судалгаа харуулдаг. Үүнд эрүүл бус амьдралын хэв маяг, өөх тос ихтэй хооллолт, таргалалт зэрэг нөлөөлсөн гэж үздэг.

Харин загас, жимс, ногоо, мөн селен, цайраар баялаг хушга зэрэг буурцагт төрлийн хүнс хэрэглэдэг эрчүүд эдгээрийг хэрэглэдэггүй хүмүүсээс илүү үр тогтоох чадвартай байсан гэж судалгаанд дурджээ. Мөн жирэмслэхээр оролдож буй эрчүүд транс тос, боловсруулсан мах, их хэмжээний шар буурцаг (soy) хэрэглэхээ хязгаарлах нь үр тогтоох боломжийг нэмэгдүүлэхэд тустай гэж дүгнэсэн байна.